Saloobin : mga akda ng/para sa kababaihang bilanggong politikal

Ang koleksiyong ito ng mga tula, sanaysay, at likhang-sining ng/para sa kababaihang bilanggong pulitikal tulad nina Reina Mae Nasino, Cora M. Agovida, Amanda Echanis, Frenchie Mae Cumpio, Rowena Rosales, at iba pa ay binuo katuwang ang KAPATID-Families and Friends of Political Prisoners sa gitna ng napakahirap na panahon ng matinding crackdown at kabi-kabilang pag-aresto at pagpaslang. Layon ng antolohiyang patampukin ang kalagayan, mga isyu, at maging ang mga pangarap ng kababaihang bilanggong pulitikal ng paglaya at muling pagsama-sama ng mahal sa buhay. Isa pang layon ng aklat ay makalikom ng suporta para sa kababaihang bilanggong pulitikal. Malaking bahagi ng pagbebentahan ng libro ay ibibigay sa KAPATID na tumutulong sa mga pangangailangan ng ating mga bilanggong pulitikal; sa Free Amanda Echanis Network (FAEN) na unang dahilan ng paglikha ng librong ito; at sa tuloy-tuloy na #DefendPeasantWomen campaign ng Amihan National Federation of Peasant Women.